Kifo Chake

MUNGU ALIKUWA PAMOJA NA YESU!
Yesu aliwatendea watu mema tu.
“…Mungu alimtia mafuta Yesu wa Nazareti kwa Roho Mtakatifu
na kwa nguvu; naye akazunguka huko na huko akitenda mema
na kuponya wote walioonewa na Ibilisi; kwa maana Mungu
alikuwa pamoja naye.” Matendo ya Mitume 10:38
Alikuja kuwahudumia wanadamu na kuwasaidia.
“Kwa maana hata Mwana wa Adamu [Yesu] hakuja ili
ahudumiwe, bali ili ahudumu…” Marko 10:45
Aliwatendea watu mambo mengi ya ajabu.
Kwa muda wa miaka mitatu na nusu, Yesu akiwa mwanadamu
aliwahudumia watu kwa nguvu; aliponya magonjwa,
akatoa pepo wachafu, akafufua wafu, akatembea juu ya maji,
akawalisha maelfu kwa mikate michache, akawaweka watu
huru na kuwafundisha kuhusu Ufalme wa Mungu.
Mambo haya yalikuwa ushahidi kwamba Yeye alikuwa Mwana
wa Mungu kwa sababu alifanya tu yale ambayo Mungu,
Baba yake, angefanya.
Yesu alisema, “Amin, amin, nawaambia, Mwana hawezi
kutenda neno lolote kwa nafsi yake ila lile ambalo
amwona Baba akilitenda; kwa maana yote ayatendayo
yeye, Mwana naye ayatenda vivyo hivyo.”
Yohana 5:19
MUNGU ANA MPANGO KWA AJILI YETU KUPITIA
YESU!
Mpango wa Mungu ulikuwa kuweka lawama ya dhambi ya
ulimwengu juu ya Yesu, Mwana wake. Yesu alikuja
ulimwenguni ili afe, ili kubeba adhabu ya dhambi zetu
yeye mwenyewe. Ilimpasa Yesu afe ili kutuokoa
tusihukumiwe kwa sababu ya dhambi zetu.
“Kwa maana jinsi hii Mungu aliupenda ulimwengu, hata
akamtoa Mwanawe pekee, ili kila amwaminiye asipotee,
bali awe na uzima wa milele.” Yohana 3:16
“…Yohana alimwona Yesu akija kwake, akasema, ‘Tazama!
Mwana-kondoo wa Mungu aondoaye dhambi ya ulimwengu!’”
Yohana 1:29
“…Alitolewa kwa ajili ya makosa yetu [dhambi, makosa]…”
Warumi 4:25
Ilikuwa ni mpango wa Mungu kwa Yesu kufa mikononi
mwa watu waovu. “Yeye [Yesu], aliyetolewa kwa shauri lililokusudiwa
na kwa kujua tangu zamani kwa Mungu, ninyi mlimchukua
kwa mikono ya watu wasio na sheria, mkamsulubisha
na kumwua.” Matendo ya Mitume 2:23
Yesu alikuwa amewaambia wanafunzi Wake wakati wa
huduma Yake kwamba ilimpasa kuuawa na kuteswa
mambo mengi.
“Imempasa Mwana wa Mtu kupata mateso mengi, na
kukataliwa na wazee na wakuu wa makuhani na waandishi,
na kuuawa, na kufufuka siku ya tatu.” Luka 9:22
“Tazama, tunapanda kwenda Yerusalemu, na mambo yote
yaliyoandikwa na manabii kumhusu Mwana wa Mtu
yatatimia. Kwa maana atatiwa mikononi mwa Mataifa,
atafanyiwa dhihaka, kutukanwa na kutemewa mate.
Watampiga mijeledi na kumwua. Na siku ya tatu
atafufuka tena.” Luka 18:31-33