YESU ALISULUBIWA

Hatimaye Pilato alishawishiwa na Wayahudi
kumsulubisha Yesu ingawa hakuona kosa lolote
ndani Yake.
“Basi akamtia mikononi mwao ili asulubiwe. Wakamtwaa
Yesu, wakamwongoza zao.” Yohana 19:16
Yesu alibeba Msalaba Wake [mti wa kunyongea/kusulubishia]
hadi mahali paitwapo “Golgotha” na huko
alisulubiwa.
“Walipofika mahali paitwapo Golgotha, yaani, Mahali
pa Fuvu la Kichwa… Wakamsulubisha.”
Mathayo 27:33, 35
Kosa Lake liliandikwa juu ya kichwa Chake
kwenye Msalaba.
“Wakaweka juu ya kichwa Chake shtaka lililoandikwa
dhidi Yake: HUYU NI YESU MFALME WA
WAYAHUDI.” Mathayo 27:37
Alisulubiwa katikati ya wahalifu wawili na
aliomba msamaha kwa ajili ya wale
waliomtesa na kumtendea vibaya. Alipenda hadi mwisho!
“Walipofika mahali paitwapo Kalvari, huko
wakamsulubisha Yeye, pamoja na wale wahalifu,
mmoja upande wa kulia na mwingine upande wa kushoto.
Kisha Yesu akasema, ‘Baba, uwasamehe, kwa maana
hawajui watendalo.’” Luka 23:33-34
YESU ALIPIGA KELELE
Kwa sababu Yesu alikuwa amebeba mzigo wa dhambi ya
ulimwengu, Mungu alimwacha afe, ili kubeba
adhabu kwa niaba yetu.
“Mungu wangu, Mungu wangu, mbona Umeniacha?”
Mathayo 27:46
Yesu alifanywa kuwa dhambi kwa niaba yetu ili Mungu
aweze kuupatanisha ulimwengu na Yeye mwenyewe. Mungu
anafanya amani nasi kupitia damu iliyomwagwa na Yesu
juu ya Msalaba. “…Mungu alikuwa ndani ya Kristo akiupatanisha ulimwengu na Yeye mwenyewe,
bila kuwahesabia makosa yao…Maana Yeye alimfanya Yeye
[Yesu], asiyejua dhambi, kuwa dhambi kwa ajili yetu, ili sisi
tupate kuwa haki ya Mungu ndani Yake [Yesu].”
2 Wakorintho 5:19, 21
“Kwa maana ilimpendeza Baba kwamba utimilifu wote
ukae ndani Yake [Yesu], na kwa njia Yeye avipatanishe
vitu vyote na Yeye mwenyewe…kwa damu ya Msalaba Wake.”
Wakolosai 1:19-20
IMEKWISHA!
Kazi ambayo Yesu alikuja kuifanya ilikuwa imekwisha!
“Basi Yesu alipopokea ile divai kali, alisema, ‘Imekwisha!’” Yohana 19:30
YESU ALIKUFA
“Naye Yesu akapaza sauti tena kwa nguvu, akaitoa
roho yake.” Mathayo 27:50
“Naye Yesu alipopaza sauti kwa nguvu, alisema,
‘Baba, mikononi Mwako naiweka roho Yangu.’ Baada ya kusema
haya, akakata roho.” Luka 23:46
Alikufa kwa ajili ya dhambi zetu.
“…Kristo alikufa kwa ajili ya dhambi zetu kama Maandiko yasemavyo.”
1 Wakorintho 15:3
Isaya alitabiri hili miaka 700 kabla halijatokea. “Alidharauliwa na kukataliwa na wanadamu; mtu wa huzuni
na ajuaye masikitiko. Na tulificha nyuso zetu mbele
Zake; alidharauliwa, nasi hatukumthamini.
Hakika Yeye amechukua masikitiko yetu (maumivu) na kubeba
huzuni zetu (magonjwa); lakini tulimwona kama mtu
aliyepigwa na Mungu na kuteswa. Lakini alijeruhiwa kwa
ajili ya makosa yetu, alipondwa kwa ajili ya maovu yetu;
adhabu iliyoleta amani yetu ilikuwa juu Yake, na kwa
mapigo Yake tumeponywa.
Sisi sote kama kondoo tumepotea; kila mmoja wetu
amegeukia njia yake mwenyewe; na BWANA (Mungu wa
Milele) ameweka juu Yake uovu wetu sisi sote…Utakapofanya
nafsi Yake kuwa dhabihu kwa ajili ya dhambi…” Isaya 53:3-6, 10
Yesu aliteseka na kufa kwa sababu ya upendo Kwako!
Njia pekee ya kukuokoa wewe na mimi kutoka
kwenye adhabu ya milele kwa ajili ya dhambi zetu
ilikuwa ni Mungu kuwa mwanadamu na kubeba
adhabu tunayostahili!
Kupitia kifo cha Yesu Msalabani tunaweza
kupatanishwa na Mungu katika uhusiano
wa kweli pamoja Naye!
Hakuna tatizo tena kati yako na
Mungu ikiwa unaamini yale ambayo Yesu alikufanyia! - Mungu alikuwa pamoja na Yesu - Mpango wa Mungu ulikuwa Yesu afe mikononi mwa watu waovu - Hakuwa na muonekano wa kipekee wa nje - Alisalitiwa na kukataliwa na wale
walio karibu Naye
- Hakulazimika kufa bali alichagua kufanya hivyo - Alitoa ushuhuda mbele ya Wayahudi na Warumi - Alishutumiwa kwa uongo - Alipigwa, alitendewa vibaya na kusulubiwa - Alilia kwa sauti kuu - Alikufa - Aliadhibiwa kwa ajili ya dhambi zetu - Nafsi Yake ilikuwa dhabihu ya kutuletea
amani na Mungu