Ufufuko

YESU, KAMA MWANADAMU, ALIFIA KWELI NA
KUZIKWA!
Yesu aliwekwa kaburini na tajiri mmoja
aliyeamini kwake.
“Hata kulipokuwa jioni, akaja mtu tajiri wa
Arimathaya, jina lake Yusufu, ambaye yeye mwenyewe
alikuwa mwanafunzi wa Yesu... Yusufu akautwaa mwili
(wa Yesu), akauzungushia sanda safi ya kitani, akauweka
katika kaburi lake jipya alilolichonga mwambani; akavingirisha
jiwe kubwa mlangoni pa kaburi...”
Mathayo 27:57-60
Jambo hili lilitabiriwa pia na nabii Isaya.
“Wakamfanyia kaburi pamoja na wabaya – Lakini pamoja
na tajiri katika kifo chake, kwa sababu hakutenda jeuri,
wala hila haikuwamo kinywani mwake.” Isaya 53:9
WALE WALIOKUBALIANA NA KUFA KWAKE
WALIHOFIA KUFUFUKA KWAKE KUTOKA KWA WAFU!
Viongozi wa dini waliogopa yale ambayo Yesu
alisema kuhusu kufufuka kutoka kwa wafu.
“Siku iliyofuata ile Siku ya Maandalizi,
makuhani wakuu na Mafarisayo walikusanyika mbele ya Pilato,
wakimwambia, ‘Bwana, kumbuka, wakati alipokuwa bado hai,
yule mdanganyifu alisema, ‘Baada ya siku tatu nitafufuka.’”
Mathayo 27:62-63
Walisihi walinzi wawekwe kwenye kaburi
ili kuhakikisha hakuna anayeiba mwili wa
Yesu. Pilato aliwaambia wafanye kila wawezalo
kuulinda. “Basi amuru kaburi lilindwe kwa usalama hadi
siku ya tatu, ili wanafunzi wake wasije usiku na kumwiba,
na kuwaambia watu, ‘Amefufuka kutoka kwa
wafu.’ Pilato akasema, ‘…lilindeni kwa usalama kadiri mjuavyo.’
Basi wakaenda na kulilinda kaburi, wakalitia muhuri jiwe
na kuweka walinzi.” Mathayo 27:64-66
Yesu akiwa mwanadamu alikaa kaburini kwa siku tatu
na usiku tatu kama ilivyotabiriwa kupitia
mfano wa maisha ya Yona, aliyeishi mamia ya
miaka kabla ya Yesu.
“Kwa maana kama vile Yona alivyokuwa siku tatu na usiku tatu
ndani ya tumbo la samaki mkubwa, ndivyo Mwana wa Adamu
atakavyokuwa siku tatu na usiku tatu moyoni mwa nchi.” Mathayo 12:40
Wanawake wawili walikuja kuliona kaburi siku ya tatu
baada ya kifo chake.
“Basi baada ya Sabato, siku ya kwanza ya juma ilipoanza
kupambazuka, Maria Magdalene na yule Maria mwingine
walikuja kuliona kaburi.” Mathayo 28:1
KIFO HIKUWEZA KUMSHIKILIA YESU!
Jiwe la kaburi liliondolewa!
“Na tazama, kulikuwa na tetemeko kubwa la ardhi; kwa maana malaika
wa Bwana alishuka kutoka mbinguni, akaja akalivingirisha
jiwe kutoka mlangoni, akalikalia.” Mathayo 28:2
YESU AMEFUFUKA!
Kaburi lilikuwa tupu na malaika wakazungumza na
wanawake waliotaka kuupata mwili wa Yesu. “Wakaingia ndani, wasiuone mwili wa Bwana Yesu.
Ikawa walipokuwa wakishangaa sana kwa jambo hili,
tazama, watu wawili wakasimama karibu nao wakiwa
na mavazi yanayong’aa. Kisha, walipoogopa na
kuinamisha nyuso zao chini, wale watu wakawaambia,
‘Mbona mnamtafuta aliye hai kati ya wafu? Hayupo
hapa, amefufuka!’” Luka 24:3-6
YESU ALIONWA NA MASHAHIDI WALIOONA KWA MACHO YAO!
Maria Magdalene ndiye aliyekuwa wa kwanza kumwona
Yesu akiwa hai baada ya kufa.
“Basi alipofufuka alfajiri siku ya kwanza ya juma,
alimtokea kwanza Maria Magdalene, ambaye alikuwa
amemtoa pepo saba.” Marko 16:9
Wanafunzi hawakumwamini Maria.
“Alienda akawaambia wale waliokuwa pamoja naye,
wakati walipokuwa wakihuzunika na kulia. Nao
waliposikia kwamba yu hai na kwamba ameonekana
na yeye, hawakuamini.” Marko 16:10-11
Yesu aliwatokea watu wengine wawili waliokuwa
wakitembea barabarani.
“Baada ya hayo aliwatokea wawili miongoni mwao
katika umbo jingine walipokuwa wakitembea na
kwenda mashambani.” Marko 16:12
Wanafunzi hawakuamini hawa wawili pia!
“Nao wakaenda wakawaambia wengine, lakini
hawakuamini hao pia.” Marko 16:13
YESU ALIWATOKEA WANAFUNZI!
Yesu aliingia ndani ya chumba bila kutumia mlango!
Walikuwa na hofu sana na kudhani kuwa ni
mzimu.
“Basi walipokuwa wakisema mambo haya, Yesu
mwenyewe alisimama katikati yao, akawaambia,
‘Amani iwe nanyi.’ Lakini walishtuka na kuogopa,
wakidhani wameona roho.” Luka 24:36-37
YESU ALIKUWA MTU HALISI, SI ROHO!
Yesu aliwaonyesha majeraha mwilini mwake na
kuwaambia wamguse ili wajionee wenyewe!
“Akawaambia, ‘Mbona mnafadhaika? Na kwa nini
mashaka yanaingia mioyoni mwenu? Tazameni mikono yangu na
miguu yangu, ya kwamba ni mimi mwenyewe. Niguseni mkaone,
maana roho haina mwili na mifupa kama mnavyoniona mimi.’”
Luka 24:38-39
Yesu alikula chakula pamoja nao, akiwaonyesha
kwamba mwili wake ulikuwa mwili halisi!
“Walipokuwa bado hawajaamini kwa sababu ya furaha, na
wakistaajabu, aliwaambia, ‘Je, mna chakula hapa?’ Basi
wakampa kipande cha samaki wa kuokwa na
sehemu ya sega la asali. Akavitwaa akala mbele yao.”
Luka 24:41-43