YESU ALISHITAKIWA KWA UONGO

Viongozi wa watu walitafuta sababu za
kumwua.
“Basi makuhani wakuu, wazee na baraza lote walitafuta
ushahidi wa uongo dhidi ya Yesu ili wamhukumu afe…”
Mathayo 26:59
Alipelekwa mbele ya Kuhani Mkuu (kiongozi mkuu
wa dini wakati huo) na mashahidi wa uongo
walitoa ushahidi dhidi ya Yesu. Yesu alikaa kimya
na hakujibu maswali yao.
“Lakini hatimaye mashahidi wawili wa uongo walijitokeza na kusema,
‘Mtu huyu alisema, ‘Ninaweza kulivunja hekalu la Mungu
na kulijenga upya kwa siku tatu.’’ Kisha kuhani mkuu akasimama
na kumwambia, ‘Je, hujibu lolote? Ni nini
hiki ambacho watu hawa wanashuhudia dhidi yako?’ Lakini Yesu alikaa
kimya.” Mathayo 26:60-63
YESU ALISHUHUDIA KUWA YEYE NDIYE KRISTO
[MFALME] MWANA WA MUNGU [MUNGU KATIKA
MWILI] MBELE YA KUHANI MKUU WA KIYAHUDI
Yesu alimwambia Kuhani Mkuu kwamba baadaye angemwona
Yesu akiwa ameketi kwenye Kiti cha Enzi cha Mungu. Hiyo
ndiyo maana ya kuwa “mkono wa kuume wa
Uweza”.
“Kuhani mkuu akajibu na kumwambia, ‘Nakuapisha
kwa Mungu Aliye Hai: Tuambie kama wewe ndiwe
Kristo, Mwana wa Mungu!’ Yesu akamwambia, ‘Ni kama
ulivyosema. Hata hivyo, nakuambia, tangu sasa utamwona
Mwana wa Adamu akiwa ameketi mkono wa kuume wa Uweza, na
akija juu ya mawingu ya mbinguni.” Mathayo 26:63
Alishitakiwa kwa kufuru, akapigwa na
maafisa wa Kiyahudi nao walimkasirikia
sana.
“Ametoa maneno ya kufuru! Ninyi mnaonaje?” Wakajibu
na kusema, ‘Anastahili kufa.’ Kisha walimtemea
mate usoni na kumpiga; na wengine wakampiga
kwa makofi…” Mathayo 26:65-67
YESU ALIPELEKWA MBELE YA
MAMLAKA ZA KIRUMI
Yesu alizungumza na Gavana wa Kirumi, Pontio
Pilato, akimwambia kuwa Yeye ni mfalme.
“Yesu akajibu, ‘Ufalme wangu si wa ulimwengu huu…
Wasema kweli ya kuwa mimi ni mfalme.’” Yohana 18:36-37
Ilikuwa desturi wakati huo kumwachilia huru mfungwa
wakati wa Sikukuu ya Pasaka ya Wayahudi.
Pilato aliwauliza umati wa Wayahudi ni mfungwa
yupi waliotaka aachiliwe huru.
“Lakini mna desturi ya kwamba niwaachilie mtu mmoja
wakati wa Pasaka. Basi, mnataka niwaachilie
Mfalme wa Wayahudi?” Yohana 18:39
Mfungwa mmoja maarufu kwa uovu, ambaye pia alikuwa muuaji
na mwizi, alichaguliwa na umati huo ili
aachiliwe huru.
“Basi wakapiga kelele tena, wakisema, ‘Si huyu, bali
Baraba!’ Na Baraba alikuwa mwizi.” Yohana 18:40
“Lakini mlimkana yule Mtakatifu na Mwenye Haki,
mkataka mpewe muuaji, mkamwua Mkuu wa
Uzima…” Matendo ya Mitume 3:14-15
Pilato alimpiga kwa mjeledi na askari wa Kirumi
wakamdhihaki na kumpiga pia.
“Basi Pilato akamtwaa Yesu akampiga kwa mjeledi.
Askari wakasokota taji la miiba wakalivika kichwani
pake, wakamvika vazi la rangi ya zambarau. Kisha
wakasema, ‘Salamu, Mfalme wa Wayahudi!’
Wakampiga makofi.” Yohana 19:1-3
Pilato hakuona hatia yoyote kwa Yesu lakini Wayahudi
walipiga kelele wakisema, “Msulubishe!”
“Basi, makuhani wakuu na maafisa walipomwona,
walipiga kelele wakisema, ‘Msulubishe! Msulubishe!’ Pilato
akawaambia, ‘Mchukueni ninyi wenyewe mkamsulubishe,
maana mimi sioni hatia yoyote kwake.’” Yohana 19:5-6
Wayahudi walimwambia Pilato kwamba Yesu alidai kuwa
Mwana wa Mungu. Jambo hili lilimtia Pilato hofu kubwa.
Kisha akamhoji Yesu zaidi, lakini Yesu akakaa kimya.
“Wayahudi wakamjibu, ‘Sisi tunayo sheria, na kwa
mujibu wa sheria yetu anastahili kufa, kwa sababu
alijifanya kuwa Mwana wa Mungu.’ Basi Pilato aliposikia
neno hilo, aliogopa zaidi, na…akamwambia Yesu,
‘Wewe unatoka wapi?’ Lakini Yesu hakumjibu neno.” Yohana 19:7-8
Pilato alijaribu kuonyesha mamlaka yake, lakini Yesu
akaweka wazi kwamba mamlaka yote yako chini ya
mamlaka ya Mungu.
“Kisha Pilato akamwambia, ‘Je, hunisemeshi?
Hujui ya kuwa nina mamlaka ya kukusulubisha, na
mamlaka ya kukuachilia huru?’ Yesu akajibu,
‘Hungekuwa na mamlaka yoyote juu yangu isipokuwa
umepewa kutoka juu…’” Yohana 19:10-11