KULITOKEA MABADILIKO ALIPOKUWA NA UMRI WA MIAKA 12!

YESU ALIFIKIA HATUA MPYA YA UKUAJI AMBAPO 
ALITAKA KUELEWA ZAIDI KUHUSU BABA YAKE, MUNGU! 
Akiwa na umri wa miaka 12, Yesu alienda hekaluni (mahali ambapo Wayahudi walimwabudu Mungu) na kuanza kuuliza maswali mengi na kujibu maswali mengi kuhusu Mungu. “Na wote waliomsikia walishangaa sana kwa uelewa na majibu yake.” Luka 2:47 
Wakati Yesu akiwa huko, mama yake na baba yake wa kambo walirudi nyumbani bila kutambua kwamba Yesu hakuwa pamoja nao. Walipogundua kuwa hayupo pamoja nao, walijawa na wasiwasi mkubwa. Walimkuta hekaluni na kumuuliza kwa wasiwasi alikuwa akifanya nini. Hawakumwelewa vyema yeye ni nani, naye akajibu… 
“Kwa nini mlinitafuta? Hamkujua kwamba lazima nishughulikie mambo ya Baba yangu?” Lakini hawakuelewa maneno aliyowaambia. Luka 2:49-50 
Baada ya hayo, Yesu alikua na kuwa kijana na alijitiisha kwa Yusufu na mama yake. 
“…akawa chini ya mamlaka yao…Naye Yesu akazidi kuendelea katika hekima na kimo, na katika neema mbele za Mungu na wanadamu.” 
Luka 2:51-52 Pia alikuwa na ndugu zake wa kambo (kaka na dada) na alifanya kazi kama seremala. 
“Je, huyu si yule seremala, mwana wa Mariamu, na ndugu yao Yakobo, Yose, Yuda na Simoni? Na je, dada zake hawapo hapa pamoja nasi?” Marko 6:3